Ruta Xacobea

O tramo do Ruta Xacobea correspondente ao municipio de Mos describe o seguinte itinerario:

Entrada no concello de Mos a través das proximidades da capela da Nosa Señora das Angustias; desprazamento de 2 km ao Norte pola N-550;  a continuación, parada na Capela de Santa Marta, na parroquia de Mos, espazo que dispón dunha gran bancada na parte traseira que convida ao peregrino a sentar e repousar á sombra das árbores.

A seguinte parada é o Pazo dos Marqueses de Mos, cuxo interior está aberto á visita en horario de tarde. Ademais, nesta contorna existe oferta de hospedaxe para peregrinos. Deixando o Pazo, segue a subida polo Camiño de Rúa, pasando pola Fonte dos Cabaleiros, ata o pintoresco cruceiro do Cristo da Vitoria. Por O Enxertado, co val ao nacente, chegamos xa en lixeiro ascenso á carballeira e capela de Santiaguiño de Antas.

Xa terminando o tramo xacobeo municipal, pasando ante o miliario romano de Mos, atravésase a meseta de Chan das Pipas para seguir despois  a vía romana polo lugar de Padrón e incorporarse, de novo, á N-550 cara ao Convento de Vilavella, en Redondela.