Terras Atlánticas é un proxecto impulsado pola Mancomunidade da Área Intermunicipal de Vigo que busca darlles visibilidade aos activos turísticos, culturais e de lecer dos concellos nela integrados. O territorio da Mancomunidade de Vigo é extenso e variado, incluíndo os municipios de Fornelos de Montes, Gondomar, Mos, Pazos de Borbén, Redondela, Salceda de Caselas, Soutomaior e Vigo. Neste espazo recóllense numerosos recursos turísticos (arquitectónicos, naturais, culturais, patrimoniais,…) e tamén propostas e actividades como excursións, visitas, festas nocturnas, etc., de índole natural, cultural ou festiva que aspiran a cumprir un dobre obxectivo: por unha banda, facilitarlle ao turista ocasional un amplo abano de posibilidades para gozar da súa visita e estadía no noso territorio, por outra, darlles ás persoas residentes no territorio (visitante local), a oportunidade de aprender, redescubrir e coñecer máis sobre o seu propio concello e os concellos limítrofes.
Xacementos paleolíticos, castros, paraxes naturais, parques, rutas de sendeirismo tanto na beira do mar como en frondosos bosques, pontes, pazos tipicamente galegos ou castelos con séculos de historia, estilos estéticos que abranguen desde a arte románico ata o modernismo de finais do século XIX son só algunhas das cousas que o proxecto Terras Atlánticas se propón transmitir. Tamén se propoñen plans para o aventureiro urbano ou o bulideiro viaxeiro en busca de experiencias de fin de semana, percorridos urbanos ou rurais, eventos gastronómicos de afluencia multitudinaria ou festas cuxas raíces se perden na noite dos tempos, pero cuxas tradicións subsistiron na memoria popular ata deixar nos nosos días unha riqueza cultural única e propia. Mar e montaña danse a man para facernos gozar dos deportes acuáticos e de aventura; rúas históricas e espazos pintorescos nas cidades tenden os seus brazos aos viaxeiros para que poidan gozar da vida que mana destas e as desborda: comercios, restaurantes, museos, concertos nocturnos etc. Existe todo isto? Si…, na Mancomunidade de Vigo. Ven descubrilo!
Actividades
Descubre unha ampla variedade de plans de fin de semana para disfrutar en compañía da túa familia, amigos, parella ou segundo as túas preferencias temáticas. Os concellos da Mancomunidade ofrecen multitude de posibilidades. Descúbreos!
Próximos eventos
Manxares do mar. Soutomaior
🦪🌊 A NOSA RÍA TEN MOITO QUE OFRECER.DESCRUBRÁMOLA! Como podemos aproveitar mellor os produtos da nosa ría? Como levar especies menos coñecidas aos restaurantes e crear novas oportunidades para o […]
Samain no Calvario. Vigo
O barrio do Calvario, no concello de Vigo, prepárase para celebrar o Samaín desde o xoves 29 de outubro ata o sábado 31 de outubro, cun programa festivo deseñado para […]
Contos da Veciñanza: Especial Samaín. Redondela
👻 CONTOS DA VECIÑANZA: ESPECIAL SAMAÍN! 🎃📚 📅 Xoves 29 de outubro, ás 18:30 h. 📍 Biblioteca Xela Arias de Chapela. 🗣️ Con Noela e o Trío Laredo (Celeste, Sofía […]
Os concellos da Mancomunidade
