Ponte Colgante de Soutomaior

A ponte colgante de Soutomaior é unha ponte de madeira firmemente suspendida por cordóns metálicos sobre as augas del Río Verdugo, a 6m sobre a superficie do río, concretamente sobre a chamada “Poza dás Bestas”, punto de concorrencia dos ríos Verdugo e Oitavén e zona histórica de pesca.

Un dos accesos á ponte transcorre por un camiño forestal que une a estrada Soutomaior-Ponte Caldelas (onde podes deixar estacionado o vehículo) e o río Verdugo. A contorna natural da ponte colgante está constituída por unha tupida vexetación de ribeira con meandros secos cheos de cantos rodados e rochas cubertas de musgo e unha acolledora praia fluvial (desafortunadamente, aínda existe abundancia de especies invasoras na contorna, como o eucalipto, a acacia e a mimosa, pero leváronse a cabo recentemente accións de repoboación de especies autóctonas, tales como o carballo e o bidueiros).

Outro dos activos da zona é un roteiro de sendeirismo circular que comunica a ponte colgante coa ponte medieval de Comboa, separados por 1km de distancia. Nas inmediacións deste último elemento do patrimonio arquitectónico municipal tamén hai espazos para o estacionamento do vehículo e comezar desde aí a pé o carreiro ata a ponte colgante. O percorrido iníciase nas proximidades da praia fluvial de “A Veiguiña Longa” e a súa área recreativa. O roteiro é de trazado circular e dunha extensión de 4,8 km. O carreiro é de dificultade moderada e pasa por amenos e pintorescos camiños próximos a antigos muíños, arroios, pozas e, como non, a ponte colgante de Soutomaior.

A observación da natureza, o paseo, o baño e a pesca son algunhas das actividades das que se poden gozar nesta idílica área recreativa.