Pazo de Villarés

Pazo declarado Monumento Histórico e ben de Interese Cultural, situado nunha tranquila contorna natural dentro da parroquia de Villaza, a poucos quilómetros de Praia América e Baiona. Funciona actualmente como aloxamento turístico, dispón de 7 dormitorios e conta cunha parcela de 13.000 m² con xardín, barbacoa, piscina e hórreo. Villaza está situada a 5 min do pobo de Gondomar, onde o visitante encontrará todo tipo de servizos, incluído o mercado.

O edificio foi construído en 1725 por Domingo de la Fuente, o seu primeiro propietario. Ao longo dos seus case tres séculos de historia, o pazo foi obxecto de numerosas reformas, a última delas na década de 1970, durante a cal se transformaron as bodegas e cuadras da parte baixa en cociña, comedor e salón, sen por iso alterar a disposición arquitectónica orixinal da planta superior, á que se accede por unha escalinata exterior de estilo barroco e onde se encontran as habitacións e baños. É unha construción con planta en forma de U, levantada con pedra de cachotes en todos os seus muros, excepción habida de esquinas e marcos de portas e ventás, que son de sillería. O acceso á planta principal realízase por unha escaleira que está situada no patio central, na nave da esquerda. O elemento máis importante da fachada sur é a solaina ou galería de once arcos.