Monumento a Martín Códax

Inaugurado o 5 de agosto de 1967, constitúeo unha rocha sacada do “mar de Vigo” (mar ao que cantou o trobador), situada no medio dun estanque. Hai sobre a superficie da pedra unha placa metálica que versa: “A cidade de Vigo ao seu cantor Martín Códax, trobador e xograr do século XIII”. Velaquí a súa cantiga máis soada, pola cal principalmente é lembrado:

Ondas do mar de Vigo,

se vistes meu amigo?

E ai Deus!, se verra cedo?

Ondas do mar levado,

se vistes meu amado?

E ai Deus!, se verra cedo?

Se vistes meu amigo,

o por que eu sospiro?

E ai Deus!, se verra cedo?

Se vistes meu amado,

por que ei gran coidado?

E ai Deus!, se verra cedo?