Mos
Mos está enmarcado na comarca da Louriña, limita con Redondela e Pazos de Borbén ao norte, con Vigo ao oeste, Porriño ao sur e con Ponteareas ao leste. Cunha extensión de 52 km cadrados, ten 15.000 habitantes, que se reparten por este concello privilexiado situado no val da Louriña, xa que conta cos servizos que ofrecen as grandes cidades e coa tranquilidade que proporciona vivir afastado do estrés destas. O municipio está composto por dez parroquias: Mos, Torroso, Tameiga, Cela, Dornelas, Petelos, Sanguiñeda, Pereiras, Guizán e Louredo.
É terra de muíños cheos de historia. Algúns con máis de 300 anos de antigüidade, outros máis recentes, pero todos en enclaves de gran beleza.
Mos tamén é cultura, patrimonio, arquitectura, como demostra o Pazo dos Marqueses de Mos, construído no século XVII e no que xa se atopa o escudo da Casa de Mos, que no século XIX dá orixe ao actual emblema municipal.
Nas súas rúas poderás trasladarte aos séculos XI e XII coas súas igrexas de estilo románico ou visitar o Castro de Torroso, situado nun lugar privilexiado abríndose a modo de anfiteatro cara o sur e protexido polos Montes do Galleiro e a Serra do Galiñeiro.
Goza das moitas rutas que ofrece esta localidade: o sendeiro do Monte Salgueirón, con formacións vexetais autóctonas, altas montañas de rochas desnudas e aldeas dispersas; a ruta dos muíños, cargados de beleza e historia; ou o sendeiro dos dólmens, con máis de 15 pezas megalíticas. E sempre sen esquecer o tramo do Camiño de Santiago portugués que atravesa Mos.
Sitios
Rutas
Ven explorar as nosas rutas! Temos rutas para todos os niveis de experiencia e intereses. Non o perdas!
CUVI. E se hoxe saímos da cidade?
Na Universidade de Vigo hai grandes edificios que xa só polo seu deseño e a…
Actividades
Non hai próximos eventos
Festividades
Festa da Rosa
A orixe da Festa da Rosa remóntase a 1973, cando se instaurou para homenaxear a Rosa dos Quirós, marquesa cuxo emblema figura no escudo oficial do Concello de Mos. Durante […]
Festa da Rosa
O sábado ás 18:00 h, o Campo de Fútbol do Coto Torrón será o escenario do Memorial Juan Estévez Nenê.Ás 19:00 h, no Pazo de Mos, terá lugar o Festival […]
Orquesta Panorama – Festa da Rosa
O vindeiro sábado 21 de xuño, ás 23:00 h, o Pazo de Mos será o escenario da actuación da orquestra Panorama, dentro da programación da Festa da Rosa. Unha cita […]
Demostra canto sabes sobre Mos neste quiz!
