Na Universidade de Vigo hai grandes edificios que xa só polo seu deseño e a súa localización ben merecen unha visita. O plan podes comezalo no CUVI, descubrir as súas instalacións e gozar da paisaxe e das vistas (se queres máis vistas podes achegarte ao parque forestal de Beade).
Se tes tempo achégate ao dolmen do Mercantil que está na contorna.
E se é domingo podes dar unha volta pola feira, no alto de San Cosme e logo pasar polo miradoiro de Herville. De aí podes baixar cara a Vigo e facer o circuíto dos muíños de Zamáns (terás que desviarte á esquerda na baixada).