Senda do río Louro e Parque da Pesqueira

Ideal para familias con nenos ou nenas. A senda é unha ruta sinxela e tranquila, conta con 3 quilómetros no seu tramo de Mos. Pontes de madeira, pequenas fervenzas, bancos, zonas de cultivo. O parque da Pesqueira é o novo parque de auga de Mos, con refrescantes xogos no verán, parque infantil e parque biosaudable. Cruzando unha ponte está o antigo parque da Pesqueira con outro parque infantil, tirolina, campo de fútbol e aparcadoiro. A mediados de maio celébrase o CantoConto, festival musical dirixido a un público familiar.