Pedras do acordo do monte Aloia

Sabes que son as pedras de acordo?

Estas pedras, poderiamos dicir que son os precedentes aos nosos marcos. Eran pedras que indicaban o punto exacto da división de concellos e incluso das parroquias. Estas do Aloia separan os concellos do Porriño, Tui e Gondomar e, na antigüidade, separaban cinco parroquias, Malvas, Rebordáns, Pazos de Reis, Chenlo e Morgadáns. Labrada directamente sobre unha rocha que sobresae, as súas cinco caras marcarían a posición das cinco parroquias que aquí coincidían. Nestas caras hai diversas inscricións e iniciais en alusión ás parroquias e posteriormente aos concellos.