Paseo marítimo de Arcade

Ten un percorrido de 1.700 m e percorre toda a desembocadura do río Verdugo, así como todo o peirao de Arcade. Iluminado na súa totalidade, está provisto de pasarelas de madeira que pasan por baixo das pontes que cruzan o Río Verdugo.
O paseo é ameno, a contorna, apracible, e ofrece unhas marabillosas vistas da paisaxe ribeirega da desembocadura do Río Verdugo, que se transforma paulatinamente nunha paisaxe marítima no seu curso desde a ponte de Pontesampaio ata o peirao de Arcade.
Ideal para terminar unha visita de pracer a Soutomaior.