Monumento ás persoas fusiladas

Esta escultura rende homenaxe á memoria das persoas fusiladas por defender a causa frentepopulista durante a Guerra Civil Española. É un conxunto escultórico formado por tres siluetas humanas de granito cun buraco no peito cada unha.

É un monumento elaborado pola Escola de Cantería da Deputación de Pontevedra, e  está instalado no alto da Concheira, desde onde se pode ver a Illa de San Simón, lugar que serviu como prisión durante o franquismo e retivo a 6.000 persoas. O lugar foi escollido porque nel foron executadas 21 persoas.