Monasterio da Visitación das Salesas Reales

Lembras a Antonio Palacios?

Este é un dos edificios construídos en Vigo polo arquitecto porriñés, aínda que o Monasterio das Salesas é un gran descoñecido na cidade de Vigo. Está situado no barrio da Calzada de Teis, moi próximo ás rúas Sanjurjo Badía e García Barbón. Proxectado no 1942 polo arquitecto Antonio Palacios, no proxecto constaba dun gran patio, o cal se dispoñía en varios pavillóns, completándose o conxunto cunha monumental igrexa, cun deseño próximo ao da Veracruz de Carballiño. Finalmente só se construíu o primeiro pavillón, polo que é a única edificación rematada da proposta do arquitecto porriñés. Construíuse con granito do Porriño e ofrece un aspecto rústico polo tratamento que se lle dá ás fachadas realizadas en cachotería de granito sen tallar e pola incorporación de referencias formais do medievo.

Está na rúa Coutadas e ten a porta aberta para poder acceder ao seu exterior.