Ronda de Don Bosco

Se precisas dun lugar para relaxarte e gozar da cultura e historia da cidade, a Ronda de Don Bosco é un sitio que non podes deixar pasar.

A estatua de Don Bosco está situada preto do centro da cidade. Na súa inauguración o 27 de marzo de 1966 situóuse fronte á igrexa de María Auxiliadora, aínda que trocou a súa localización polas obras de acondicionamento da praza. Agora está a unhas decenas de metros do seu lugar orixinal, no principio da rúa.

A obra do escultor galego Camilo Nogueira é unha homenaxe ao santo italiano que fundou a orde dos salesianos e considerado “patrón da xuventude”. De feito, na estatua represéntase a Don Bosco parado con dous nenos que se lle achegan e cun friso horizontal cheo de nenos que representa a toda a xuventude de Vigo.

A estatua tallada en pedra de Castrelos foi doada polos Antigos Alumnos Salesianos en agradecemento ao seu compromiso coa educación dos mozos.