Capela de San Amaro

Na parroquia de Petelos está esta capela de nave rectangular en honor a San Amaro. A data exacta da edificación non se coñece.

Capela dunha soa nave rectangular, con bóveda e piso de terrazo. Ten dúas portas, a principal na fachada norte, que é a que se conserva da primitiva capela, e unha lateral ao leste. A espadana, de cemento, é dun só van con arco de medio punto. Nos 70 derrubouse e, ao reedificala, ampliouse mantendo a fachada principal.

No seu interior conserva as imaxes de San Amaro, San Vicente e a de Santiago na batalla de Clavijo.