Petroglifos de Couso e Donas: Portela, Outeiros Grandes, Tomada Regueira Barreiros, Covas de Amorín, Campurras

Presentamos unha ruta con múltiples petroglifos zoomorfos. A misión consiste en atopar cabalos en liberdade e cabalos gravados en pedra. É un roteiro circular de dificultade moderada de case 13 km, onde poderemos ver os petroglifos de Couso e Donas, con zoomorfos de estilo clásico, e esquemático nos de Chan de Outeiro, xeométricos en similares estilos nos Outeiros Grandes. Tamén poderemos observar gravados pouco ostentosos, coma os da Tomada Regueira dos Barreiros e os sorprendentes das Covas de Amorín. A visita á zona húmida das Campurras permite ver un petroglifo con covas, contextualizado na época neolítica.