XII Xuntanza Moteira. Redondela

A XII Concentración de Motos “Vila dos Viaductos” celebrarase o vindeiro sábado, 29 de agosto, no municipio de Redondela.

As actividades comezarán ás 12:00 h coa apertura do recinto no Campo da Feira, onde haberá animación musical e unha sesión vermú. Ás 16:00 h fará a súa aparición a mascota Xaquín, seguida dunha ruta pola zona a partir das 17:30 h. Ás 18:30 h ofrecerase un aperitivo gratuíto e ás 19:30 h terá lugar a primeira exhibición de acrobacias a cargo de Paulo Martinho.
Ás 22:00 h comezará unha gran mexilloada gratuíta, seguida da segunda exhibición de acrobacias de Paulo Martinho ás 22:30 h. Ás 01:00 h, o DJ Rubín encargarase da animación da noite.