Virxe do Libramento de Pereiras. Mos
14 Setembro· 10:30 - 23:30
O luns 14, a mañá comezará coa entrada da *Banda de Música Popular da Lama* no recinto do festival ás 10:30 h, seguida dun concerto ás 11:00 h. Ás 12:30 h celebrarase unha misa solemne, amenizada coa música coral do *Grupo de Canto Popular Nosa Terra de Pereiras*, e a continuación terá lugar unha procesión acompañada pola *Banda de Música Popular da Lama*. Despois, celebraranse as tradicionais poxas.
Pola tarde, ás 18:00 h, os nenos poderán gozar de xogos e concursos tradicionais. Para pechar as celebracións, ás 22:00 h terá lugar a última gran verbena do ano, coa actuación das orquestras *París de Noia* e *Los Satélites*.