Festas da Virxe da Merced de Chaín. Gondomar

Xoves 24 de setembro, neste día comezará na parroquia de Chaín, no concello de Gondomar, a festa en honra á Virxe da Merced, coa celebración, ás 12.00 horas, da misa solemne, que estará cantada pola Coral Polifónica «A Merced» de Chaín. A continuación terá lugar a tradicional procesión, que concluirá co concerto da Banda Unión Musical Val Miñor.

Pola noite, a música comezará ás 22.00 horas coa actuación da orquestra Suavecito, seguida ás 00.45 horas pola animación da discomóbil La Pachanguita.