Festas da Coca 2025
Xuño 22
O domingo 22 de xuño pecha a fin de semana festiva en Redondela cunha programación marcada pola música, a tradición e a celebración popular. A xornada comezará ás 10:00 h coa alborada a cargo da Banda de Música de Chapela. Ao mediodía, ás 12:00 h, terá lugar o tradicional desfile da Coca, cos Mordomos, Diañiños, Xigantes e Cabezudos, acompañados polo grupo de gaitas O Carballo das Cen Pólas.
Tamén ás 12:00 h celebrarase a misa na Igrexa de Vilavella, seguida ás 13:00 h dunha procesión polas rúas adornadas con alfombras florais, na que participarán a Danza das Espadas, as Penlas e a Banda de Música de Chapela. A tradicional homenaxe co baile da Danza das Espadas e das Penlas terá lugar na Praza de Ribadavia.
Xa pola tarde, a Banda de Música de Chapela ofrecerá un concerto na Alameda de Castelao ás 18:00 h, e ás 19:00 h terá lugar a actividade Patina na Rúa na pista da Xunqueira. Para poñer o broche final ao día, a Orquestra Olympus actuará ás 22:00 h no Campo da Feira.