Festas da Coca 2025
Xuño 21
O sábado 21 de xuño continúa a festa en Redondela cunha nova xornada chea de música, tradición e ambiente festivo. A Banda de Música de Arcade será a encargada de abrir o día cunha alborada ás 11:00 h e, xa pola tarde, ofrecerá un concerto na Alameda de Castelao ás 18:00 h.
A noite estará marcada por unha intensa programación musical no Campo da Feira: a partir das 22:00 h, comezará o concerto da Orquestra Gran Parada, seguido da actuación de Grande Amore ás 01:00 h, un dos momentos máis esperados da noite. Para pechar a velada, a sesión DJ de Rodri Vegas animará a pista a partir das 02:30 h.
Ao longo do día tamén se procederá á elaboración das alfombras florais nas rúas de Vilavella, unha das tradicións máis fermosas e significativas destas festas.