Festas da Coca 2025
Xuño 19
O xoves 19 de xuño, Redondela vivirá o día grande da súa emblemática Festa da Coca, unha celebración chea de simbolismo, tradicións ancestrais e ambiente festivo. A xornada comezará ás 11:00 h co traslado da Virxe “A Gabacha” desde a Igrexa de Vilavella ata a de Santiago, acompañada pola Danza das Espadas, as Penlas e a Banda de Música de Redondela. Ao mediodía, terá lugar o desfile da Coca polas rúas da vila, xunto cos Mordomos, Diañiños, Xigantes e Cabezudos, mentres que a Igrexa de Santiago acollerá a Misa Maior.
Xa pola tarde, ás 13:00 h, iniciarase a procesión por rúas engalanadas con fermosas alfombras florais, que rematará na Praza da Constitución cunha homenaxe a cargo da Danza das Espadas e das Penlas. O ambiente familiar continuará ás 19:30 h cun concerto de Uxía Lambona e a Banda Molona na Alameda de Castelao, mentres que a música continuará ás 22:00 h co concerto da Orquestra Marbella no Campo da Feira.