Circo de Pinocho en Salceda de Caselas 2024

O proxecto de maior envergadura dos creadores de Os tres porquiños, Carapuchiña Vermella e O mundo máxico de Pinocho, atópase de xira pola provincia, e este fin de semana recalará en Salceda de Caselas, fronte á Igrexa de Santa María, con funcións venres ás 18:30h, o sábado ás 18:00h e o domingo, ás 12:00h e ás 17:00h.

O espectáculo realizarase nunha carpa de circo con aforo para 450 persoas.

As entradas para as funcións oscilan entre os 15€ na grada e palcos laterais e os 20€ no palco central. Os venres, día da persoa espectadora, as localidades terán un prezo único de 10€ , e os domingos ás 12:00h, un desconto xeral de 3€ en cada boletos. As entradas xa se poden adquirir na web www.circodepinocho.gal e tamén na billeteira física no hall do circo, unha hora antes de cada función.