Andaina ata o Monte Aloia, cuxo punto de partida estará situado na Asociación de Veciños de Herville. A andaina terá lugar o 27 de setembro, a partir das 09:30 horas, por camiños forestais e cun percorrido de 22 quilómetros.
As persoas participantes poderán levar a súa propia comida para tomar no Monte Aloia. A organización facilitará o transporte das neveiras ata o cumio do Monte Aloia, sempre que se entreguen ás 09:15 horas na furgoneta municipal habilitada no punto de encontro.
No alto do monte, a xornada estará amenizada con música tradicional, empanadas, auga, roscón e café.
O regreso a pé está programado para as 16:00 horas, aínda que quen prefira regresar en vehículo privado deberá xestionalo pola súa conta e notificalo no momento da inscrición.
